Málþing: Lífið eftir krabbamein - langvinnar og síðbúnar afleiðingar
Miklar framfarir hafa orðið í greiningu og meðferð krabbameina og hópur þeirra sem læknast af krabbameinum stækkar mjög ört. Þar með er hins vegar ekki öll sagan sögð. Hvað tekur við? Hvernig er lífið á eftir? Getur það orðið betra?
Stórt er spurt en á málþingi um langvinnar og síðbúnar afleiðingar eftir krabbamein og krabbameinsmeðferð fáum við innsýn í það og veltum spurningunni fyrir okkur með þeim sem reynsluna hafa.
- Málþingið verður haldið föstudaginn 12. maí í húsnæði Krabbameinsfélagsins, Skógarhlíð 8, 4. hæð. Húsið opnar kl 15:30 með léttum veitingum. Dagskráin hefst kl 15:45 og stendur til kl 18:00.
Öll velkomin.