Besta gjöfin: Áhrif hugleiðslu á börn og ungmenni
Fimmtudaginn 1. febrúar 2018 kl.17:30 ætlar Stefanía Ólafsdóttir, grunnskólakennari, leiðbeinandi í hugleiðsluskólanum Lótushúsi og höfundur „Undir heillastjörnu" að flytja erindi um áhrif hugleiðslu fyrir börn og ungmenni og leiðir til að skapa endurnærandi gæðastundir fyrir fjölskylduna.
„Í samfélagi hraða og áreitis upplifa margir miklar kröfur og álag sem getur verið lýjandi að standa undir. Ein dýrmætasta gjöfin sem við getum gefið okkur sjálfum og fjölskyldum okkar er að staldra við daglega og upplifa frið og sátt í gegnum hugleiðsluiðkun. Slík augnablik geta haft djúpstæð áhrif og veitt einstaklingum aukinn styrk til að takast á við verkefni lífsins.
Það hefur löngu sýnt sig að börn geta notið góðs af hugleiðsluiðkun ekki síður en fullorðnir. Í nýútkominni hugleiðslubók fyrir börn, Undir heillastjörnu, eru einfaldar hugleiðsluæfingar sem henta börnum á breiðum aldri." (Stefanía Ólafsdóttir)
Erindið er ætlað foreldrum og forráðamönnum barna.
Skráning á radgjof@krabb.is eða í síma 800 4040.
Ein dýrmætasta gjöfin sem við getum gefið okkur sjálfum og fjölskyldum okkar er að staldra við og upplifa frið og sátt í gegnum hugleiðsluiðkun.
Ráðgjafarþjónusta Krabbameinsfélagsins er að Skógarhlíð 8 í Reykjavík. Opið virka daga kl. 9-16. Fagfólk svarar í síma 800 4040 kl. 13-15.