Velunnarasjóður Krabbameinsfélagsins
Velunnarasjóður Krabbameinsfélagsins styður við starf aðildarfélaga Krabbameinsfélagsins, bæði svæðafélaga og stuðningshópa með árlegum styrkjum til verkefna. Sjóðurinn styrkir rekstur átta þjónustuskrifstofa á landinu.
Dæmi um verkefni sem styrkt voru af Velunnarasjóði 2020:
- Námskeiðið Fjölskyldusamvera fyrir börn og unglinga á aldrinum 5-15 ára sem eiga það sameiginlegt að eiga náinn aðstandanda með krabbamein eða hafa misst náinn aðstandanda úr krabbameini hjá Krabbameinsfélagi Akureyrar og nágrennis.
- Gerð fræðsluefnis um blöðruhálskirtilskrabbamein hjá Krabbameinsfélagi höfuðborgarsvæðisins.
- Heilsuefling með golfnámskeiði í samstarfi við Golfklúbbinn á Selfossi hjá Krabbameinsfélagi Árnessýslu.
- Iðjuþjálfi hjá Krabbameinsfélaginu í Skagafirði.
- Viðtöl og sálgæsla hjúkrunarfræðings hjá Krabbameinsfélaginu á Suðurnesjum.
- Jóganámskeið fyrir krabbameinsgreinda hjá Krabbameinsfélagi Árnessýslu.
- Starfsmaður hjá stuðningsfélaginu Framför til að efla tengsl við karla sem greinst
hafa með blöðruhálskrabbamein og gerð fræðsluefnis. - 40 ára afmælisrit Stómasamtakanna.
- Heimasíðugerð hjá Krabbameinsfélaginu Sigurvon á Ísafirði og Krabbameinsfélagi Árnessýslu.
- Hvíldarhelgi á Eiðum fyrir krabbameinsgreinda.
- Núvitundarnámskeið með áherslu á þreytu, orkuleysi og verki hjá Krabbameinsfélagi
Akureyrar og nágrennis. - Ýmis fræðsla og fyrirlestrar á vegum Krabbameinsfélagsins á Suðurnesjum.