
- Notist daglega
- Endurnýjast sjálfkrafa
- Geymist þar sem börn ná til
Hæfileg líkamsþyngd
Hár líkamþyngdarstuðull (kg/m2) er staðfestur áhættuþáttur 12 mismunandi krabbameina. Um er að ræða aukna áhættu fyrir krabbamein í:
- Vélinda
- Brisi
- Gallblöðru
- Lifur
- Ristli og endaþarmi
- Brjóstum – greint eftir tíðahvörf
- Legi
- Eggjastokkum
- Nýrum
- Munni, koki og barkarkýli
- Maga (magaop)
- Blöðruhálskirtli – langt gengið mein
Auk þess er mikil þyngdaraukning á fullorðinsárum staðfestur áhættuþáttur fyrir brjóstakrabbamein greint eftir tíðahvörf
Flestar rannsóknir sýna að almennt er lægsta krabbameinstíðnin meðal þeirra sem eru með líkamsþyngdarstuðul á bilinu 18,5 til 25 kg/m2 og fyrir ofan þetta bil sést að því hærri sem líkamsþyngdarstuðullinn er því meiri er áhættan á krabbameinum (sjá dæmi í línuritinu fyrir krabbamein í ristli og endaþarmi). Þó ber að hafa í huga að líkamþyngdarstuðull er ekki nákvæmt mælitæki og gerir til dæmis ekki greinarmun á fitu- og vöðvamassa.
Til að draga úr þyngdaraukningu og/eða viðhalda líkamsþyngd er mikilvægt að hreyfa sig daglega í að minnsta kosti 30 mínútur, takmarka skjátíma utan vinnu og skóla, borða ríflega af heilkornavörum, grænmeti, ávöxtum og baunum og takmarka neyslu á drykkjum og matvælum sem innihalda viðbættan sykur.
Nánari upplýsingar má finna hér:
Body fatness & weight gain - World Cancer Research Fund
Obesity, body fatness and cancer - European Code against Cancer