Tilgangur félagsins er að styrkja og styðja þá sem glíma við þessi veikindi. Það eru alltaf einhverjir sem þurfa á aðstoð að halda. Stuðningsmannafélagið Eyjarós heldur fundi fyrsta fimmtudag í mánuði. Þá er spjallað um ýmislegt, ekki bara veikindi heldur landsins gagn og nauðsynjar. Við förum heim til fólks eða það kemur til okkar. Krabbavörn greiðir leigu fyrir íbúðirnar og svo er viss fjárstyrkur fyrir hverja ferð suður en það hefur breyst mikið eftir að lyfjagjöf hófst hér. Einnig er greiddur jarðarfararstyrkur. 

Það er orðið fastur liður að fara í áramótagöngu á gamlársdagsmorgun og áheit eru greidd til Krabbavarnar. Mottumars kom vel út. Salan í haust gekk vel, við seldum engla og álfabörn sem búið var að pakka inn í sellófan og setja bleika slaufu á. Þessi sala og minningarkort eru aðaltekjulind félagsins ásamt félagsgjöldum og áheitum. Íbúðirnar í Reykjavík eru mikið notaðar af okkar fólki.

Í október voru Landakirkja, Ráðhúsið og Heimaklettur lýst bleik, í tilefni af árveknisátaki um konur og krabbamein. Til stóð, annað árið í röð, að hafa formannafundinn í Eyjum en samgöngur leyfðu það ekki. Vonandi gengur það næst. Á síðasta aðalfundi hættu Herdís Tegeder og Petra Ólafsóttir í stjórn en þær höfðu starfað með félaginu í 20 ár. 

Jón Björn Marteinsson, sem hafði verið með okkur í stjórn, lést úr krabbameini 14. mars, aðeins 28 ára. Þar er stórt skarð en eiginkona hans kemur í stjórnina hans stað. Hans er sárt saknað.