Krabbameinsfélag Íslands fagnar 61. árs afmæli sínu í dag. Í tilefni af því gæddu starfsmenn sér á lambalæri í hádeginu. Á sama tíma og afmælinu var fagnað var Sigríður Jónasdóttir kvödd. Sigríður lætur nú af störfum hjá Krabbameinsfélaginu en hún hefur starfað hjá okkur í 31 ár. 

Ragnheiður Haraldsdóttir, forstjóri Krabbameinsfélagsins, kvaddi Sigríði og voru  henni afhentar gjafir frá félaginu og starfsmönnum.

Erla Rós Aðalsteinsdóttir sem er 10 ára gömul stóð fyrir tombólum í fyrrasumar og sumar til styrktar Krabbameinsfélagi Íslands. Hún hélt tombólur fyrir utan Bónus og 10-11 í Grafarvogi og safnaði alls 14.137 krónum.  Erla afhenti í dag ömmu sinni, Sigríði Jónasdóttur, starfsmanni hjá Krabbameinsfélaginu styrkinn en Sigríður hefur starfað hjá Krabbameinsfélaginu í meira en 30 ár. 

Krabbameinsfélagið þakkar Erlu innilega fyrir stuðninginn.