Hið árlega Heilsuhlaup Krabbameinsfélagsins var haldið á tóbakslausa daginn, 31. maí 2012. Fjölmargir tóku þátt í hlaupinu en þátttakendur voru um 300. 

Geir Gunnlaugsson, landlæknir,  ræsti hlaupið og hvatti þátttakendur til dáða. „Þetta var í 21. sinn sem við héldum Heilsuhlaup Krabbameinsfélagsins og var sérlega gaman hversu margir gátu verið með okkur og ekki verra að fagna tóbakslausa deginum að auki,“ sagði Ragnheiður Haraldsdóttir, forstjóri Krabbameinsfélags Íslands.

Ragnheiður Haraldsdóttir, forstjóri Krabbameinsfélagsins var í viðtali hjá Síðdegisútvarpinu á Rás 2 í dag, 31.5.2012 í tilefni af tóbakslausa deginum og Heilsuhlaupi Krabbameinsfélagsins.