Ráðgjafarþjónusta Krabbameinsfélags Íslands stendur fyrir örráðstefnu um streitu og áfallið að greinast með krabbamein 10. maí kl. 16.30 - 18:00. Unnur Anna Valdimarsdóttir mun fjalla um sjálfsvíg og hjartaáföll í kjölfar krabbameinsgreiningar, Dr. Snorri Ingimarsson, krabbameins- og geðlæknir fjallar um fyrstu skrefin þegar greining hefur átt sér stað. Séra Sigurður Arnarson mun tala um stuðninginn við fjölskyldur og dr. Árelía Eydís Guðmundsdóttir mun halda erindið: „Berskjaldaður - að brotna til að opna“. 

Kastað til bata er endurhæfing sem Krabbameinsfélag Íslands, Samhjálp kvenna og styrktaraðilar  bjóða konum sem lokið hafa meðferð við brjóstakrabbameini. Farið verður í tveggja daga ferð í  miðjum júní í Sogið  og  Úlfljótsvatn.  Markmið þessa boðs er að veita konum tækifæri til að styrkja sig á líkama og sál með því að æfa flugukast í stórkostlegu umhverfi, njóta samvista við veiðifélaga með svipaða reynslu - og veiða ef heppnin er með.