Dregið hefur verið í jólahappdrætti Krabbameinsfélagsins. Chevrolet Cruze bifreið , að verðmæti 3.590.000 krónur, kom á miða númer 39959. Greiðsla upp í bifreið eða íbúð, að verðmæti 1 milljón króna, kom á miða númer 122706. Auk þess voru 20 vinningar að verðmæti 200 þúsund krónur, úttekt hjá ferðaskrifstofu eða verslun, og 141 vinningur að verðmæti 100 þúsund krónur, úttekt hjá ferðaskrifstofu eða verslun.

Stjórn Kristínarsjóðs, minningarsjóðs í vörslu Krabbameinsfélags Íslands, hefur ákveðið að gefa Barnaspítala Hringsins veglega jólagjöf; sex sjónvarpsflatskjái ásamt DVD spilurum og Playstation leikjatölvum að andvirði um ein milljón króna, í tilefni þess að 100 ár eru liðin frá fæðingu Kristínar Björnsdóttur, fyrrverandi starfsmanns Sameinuðu þjóðanna, sem lagði sjóðnum til fjármagn.