Bleikur föstudagur var haldinn 7. október 2011 um land allt. Fjölmörg fyrirtæki, félagasamtök, skólar og leikskólar tóku þátt í deginum og sköpuðu bleika stemmningu hjá sér.
Október er mánuður Bleiku slaufunnar, árveknis- og fjáröflunarátaks Krabbameinsfélags Íslands gegn krabbameinum hjá konum.
Af því tilefni hvatti Krabbameinsfélagið landsmenn alla til að klæðast einhverju bleiku föstudaginn 7. október eða hafa bleikan lit í fyrirrúmi þann dag og sýna þannig samstöðu í baráttunni.
Bleiki dagurinn naut mikilla vinsælda á síðasta ári sem og í ár - ekki síst á vinnustöðum þar sem fjöldinn allur brá á leik, haldnar voru keppnir um skemmtilegasta klæðaburðinn og mikið gaman hlaust af.
Fjölmargar skemmtilegar myndir hafa borist Krabbameinsféalginu og má sjá þær
hér og
hér