Í viðtali á Stöð 2 þann 28. júní 2011 greinir Ásgeir Theodórsson, sérfræðingur í meltingarsjúkdómum,
frá því að reglubundin skimun fyrir krabbameini í ristli og endaþarmi myndi spara þjóðarbúinu miklar fjárhæðir á ári hverju.
Krabbamein í ristli og endaþarmi hefur aukist mikið síðustu 50 ár eða þrefaldast hjá körlum og tvöfaldast hjá konum og búist er við áframhald aukningu. Einkenni koma ekki fram fyrr en á seinni stigum sjúkdómsins og því leita sjúklingar sér oftast hjálpar of seint. Meðferð vegna sjúkdómsins kostar íslenska heilbrigðiskerfið um einn milljarð króna á ári. En auðvelt er að finna sjúkdóminn með einfaldri skimun og lækna hann á forstigum.
Ásgeir telur því mikilvægt að hefja reglubundna skimun hjá þeim sem komnir eru yfir fimmtugt og hjá þeim sem eru í áhættuhópi. Samkvæmt greiningu myndi það kosta á bilinu 60 - 80 milljónir að skima Íslendinga á aldrinum 60 til 70 ára og því þó nokkur sparnaður í því til lengri tíma litið.