Á konudaginn 20. febrúar sl. héldu Fáks hestakonur Bleikt Töltmót í Reiðhöllinni í Víðidagl. Mótið var haldið til styrktar Krabbameinsfélagi Íslands. Skráningargjöld voru frjálst framlag og runnu þau óskert til styrktar rannsóknum á brjóstakrabbameini.
Mótið var einungis fyrir konur og var aldurstakmark 17 ár. Fjölmargar konur sóttu mótið og voru hestarnir skreyttir á ýmsan hátt og margir með bleika borða. Völlurinn var einnig skreyttur bleikum blómum og voru bleikir dúkar og blóm á öllum dómaraborðum.
Alls söfnuðust 458.160 krónur á mótinu og þakka aðstandendur Krabbameinsfélags Íslands hestakonunum innilega fyrir stuðninginn.
Það voru þær Drífa Dan, Laufey Stefánsdóttir og Auður Möller sem stóðu fyrir þessu góða framtaki fyrir hönd Fáks.
Mynd: Laila Sæunn Pétursdóttir, markaðs- og fjáröflunarstjóri Krabbameinsfélags Íslands fær afhendan styrkinn frá Drífu Dan og Laufeyju.