Um félagið

Krabbameinsfélag Íslands var stofnað 27. júní 1951. Aðildarfélög eru um 30, bæði svæðafélög og stuðningshópar sjúklinga.

Á aðalfundi, sem haldinn er árlega, er kosin sjö manna stjórn. Formaður hennar er Sigríður Snæbjörnsdóttir, hjúkrunarfræðingur. Forstjóri félagsins er Ragnheiður Haraldsdóttir, hjúkrunarfræðingur.

Samkvæmt 2. grein laga Krabbameinsfélags Íslands er tilgangur félagsins að styðja og efla í hvívetna baráttuna gegn krabbameini, svo sem með því að:

1. Beita sér fyrir virkri opinberri stefnu (krabbameinsáætlun) í forvörnum, greiningu, meðferð og endurhæfingu þeirra sem greinast með krabbamein.
2. Stuðla að þekkingu og menntun um krabbamein og krabbameinsvarnir.
3. Efla krabbameinsrannsóknir, m.a. með söfnun og vísindalegri úrvinnslu upplýsinga og með rekstri vísindasjóðs.
4. Beita sér fyrir leit að krabbameini á byrjunarstigi.
5. Styðja framfarir í meðferð krabbameins og umönnun krabbameinssjúklinga.
6. Beita sér fyrir stuðningi við krabbameinssjúklinga og aðstandendur.
7. Vera málsvari krabbameinssjúklinga og beita sér fyrir réttindum þeirra.