Suðausturland

Veittir hafa verið styrkir í vetur til einstaklinga. Einnig greiðum við leigu fyrir krabbameinssjúklinga sem dvelja í íbúðum Krabbameinsfélagsins eða gista á Sjúkrahótelinu meðferðardagana. 

Við erum með okkar minningarkort og tökum þátt í almennri haustfjáröflun á vegum Krabbameinsfélags Íslands.

Áfram er samstarf á milli knattspyrnudeildar ungmennafélagsins Sindra, Krabbameinsfélags Suðausturlands og forvarnarsjóðs Landsbanka Íslands á Hornafirði með áherslu á forvarnir og fræðslu. 

Meistaraflokkur karla sá um sölu á skeggpinnunum í mars, sem gekk þokkalega. Meistaraflokkur kvenna kemur til með að sjá um sölu á bleiku slaufunni í haust. 

Í mars var haldið karlakvöld í samstarfi við Kiwanisklúbb Hornafjarðar þar sem Guðjón Haraldsson þvagfæraskurðlæknir hélt fyrirlestur um karlaheilsu og krabbamein. Um 110 karlmenn áttu þar góða kvöldstund og var mikil ánægja á meðal þeirra með frábæran fyrirlestur og skýrar og greinagóðar upplýsingar.